සාර්ථක ලෙස විශිෂ්ඨත්වය කරා පිය නගල අප පාසල ඌව පළාතේ , බදුල්ල දිස්ත්‍රික්කයේ , වියලුව අධ්‍යාපන කලාපයට අයත්, සොරණාතොට කොට්ඨාශයේ ඇති විද්‍යාල අතරින් දීප්තිමත් විද්‍යාලයකි. අප සිසු දරුවන් කලාප, පළාත් මෙන්ම ජාතික මට්ටමේ ජයග්‍රහණ රාශියකට උරුමකම් කියන අතර, පාසලෙන් බිහි වූ කීර්තිමත් ආදි සිසුන් ද බොහොමයකි. අද වන විට ඔවුන් රටේ ඉහළ තැන්වන තනතුරු දරමින් රට දැය වෙනුවෙන් සුවිශේෂි මෙහෙවරක් ඉටු කරති.

අප පාසල තොරතුරු තාක්ෂණ අංශයෙන් ද , සිංහල සාහිත්‍ය තරග අංශයෙන් ද, ඉංග්‍රිසි භාෂා තරග වලින් ද, දෙමළ භාෂා තරග අංශයෙන් ද, ශිෂ්‍ය බට, පරිසර බට, බාලදක්ෂ ව්‍යාපාරය, යෞවන තිළිණ නායක වැඩසටහන තුළින් ද , ශිෂ්‍ය පාර්ලිමේන්තුව යනාදි වැඩසටහන් වලින් ද විශාල දියුණුවක් අත්කරගෙන ඇත.

අප විද්‍යාලය සමග සම්බන්ධ විවිධ පාර්ශව සමග අදහස් හුවමාරුවේදී හා තොරතුරු හුවමාරුවේදී මෙම වෙබ් අඩවිය ඵලදායී ලෙස යොදා ගැනීමට හැකි වනු ඇතැයි මා විශ්වාස කරමි. අප විද්‍යාලය සමග සම්බන්ධ සියළු පාර්ශවයන්ට අප පාසල් බෙව් අඩවිය සමග සම්බන්ධ වී පාසලේ උන්නතියට සහයෝගය දක්වන මෙන් ආරාධනය කර සිටිමි.

මෙම කර්තව්‍ය සාර්ථක කර ගැනීම සඳහා උරදුන් සැමට මාගේ හෘදයාංගම ස්තූතිය පිරිනමන අතර දරු දැරියන්ගේ යහගුණ මෙන්ම අධ්‍යාපන කටයුතු දිනෙන් දින වර්ධනය වේවා යි ප්‍රාර්ථනා කරමි.

ආර්.බි.එන්.ප්‍රේමතිලක
නියෝජ්‍ය විදුහල්පති (අධ්‍යාපන සංවර්ධන),
බ/කුට්ටියගොල්ල මහා විද්‍යාලය